ლანჩხუთის მერმა ალექსანდრე სარიშვილმა და საკრებულოს თავმჯდომარე ბესიკ ტაბიძემ გურიაში სახელმწიფო რწმუნებულ გიორგი ურუშაძესთან ერთად ფაშიზმზე გამარჯვების 77-ე წლისთავი 96 წლის კარლო თავაძეს მიულოცეს და საჩუქრები გადასცეს. ასევე სოფელ ლესაში ომში დაღუპულთა მემორიალი ყვავილებით შეამკეს და დაღუპულთა ხსოვნას პატივი მიაგეს. საქართველოს მთავრობის განკარგულებით, ფაშიზმზე გამარჯვების 77-ე წლისთავთან დაკავშირებით, მეორე მსოფლიო ომის მონაწილეები ერთჯერადად 1000 ლარს, ხოლო მეორე მსოფლიო ომში დაღუპულთა ოჯახის წევრები – 500 ლარს მიიღებენ. ასევე ლანჩხუთის მუნიციპალიტეტის მერიამ კარლო თავაძეს 1000 ლარი პირად ანგარიშზე ჩაურიცხა.
