სოფელ სუფსაში თევზის ფესტივალი გაიმართა

ლანჩხუთში, სოფელ სუფსაში, თევზის ფესტივალი გაიმართა.
ფესტივალზე წარმოდგენილი იყო ადგილობრივი ნაწარმი, მოეწყო ხელნაკეთი ნივთების გამოფენა-გაყიდვა.
🔹️ სტუმრებს შესაძლებლობა ჰქონდა მდინარე სუფსაზე ნავით გაესეირნათ, შეეძლოთ დაეგემოვნებინათ ადგილობრივი თევზის ნაირსახეობა.
🔹️ ამავე დროს მდინარე სუფსაზე სპინინგით თევზჭერის ტურნირი გაიმართა, გამოვლინდნენ გამარჯვებულები. ჩატარდა სპორტული თევზჭერის მასტერკლასი.
🔹️ კონკურსის ,,თევზის ფესტივალის/Fish Festival ლოგოს“ გამარჯვებული ადგილობრივი ნინო ხამაშურიძე გახდა, მას გამარჯვება მიულოცა და საჩუქრები გადასცა ჟურნალისტმა ლალი მოროშკინამ.
🔹️ღონისძიება კონცერტით დასრულდა, რომელშიც, როგორც ადგილობრივი შემსრულებლები, ისე მუსიკალური ბენდი ,,why not/რატომაც არა“ მონაწილეობდა.
🔹️თევზის ფესტივალს სახელმწიფო რწმუნებულის გურიის მხარეში მოადგილე ქეთი მოისწრაფიშვილი, ლანჩხუთის მერი ალექსანდრე სარიშვილი, ადგილობრივი ხელისუფლების წარმომადგენელბი, ჟურნალისტები და ბლოგერები ესწრებოდნენ.

Share:

კომენტარის დატოვება