კულტურის ცენტრში კომპოზიტორ ვაჟა აზარაშვილის
შემოქმედებითი მოღვაწეობის 60 წლის იუბილისადმი მიძღვნილი კონცერტი გაიმართა.
კომპოზიტორის სიმღერები მომღერალმა ზურაბ კობეშავიძემ და ლანჩხუთის
მარიკა ორაგველიძის სახელობის სამუსიკო სკოლის აღსაზრდელებმა შეასრულეს.
_ლანჩხუთი, კერძოდ, ნიგვზიანი ჩემი დედულეთია. ბავშვობა ამ სოფელში მაქვს გატარებული და ძალიან მიხარია, რომ დღეს თქვენთან ერთად ვიმყოფები. მინდა წარმატებები გისურვოთ _ განაცხადა ვაჟა აზარაშვილმა და თავისი ცნობილი ჰიტები კულტურის ცენტრის სცენაზე თავადაც შეასრულა.
კონცერტის დასასრულს, კომპოზიტორმა მუნიციპალიტეტის მერს ალექსანდრე სარიშვილს მხარდაჭერისა და თანადგომისთვის მადლობა გადაუხადა და მას საკუთარი სიმღერების DVD დისკი გადასცა.
ღონისძიებას გურიაში სახელმწიფო რწმუნებულის მოადგილე გია ებრალიძე და თვითმმართველობის სხვა წარმომადგენლები ესწრებოდნენ.
