დღეს ლანჩხუთში სტარტი აიღო ბავშვთა და ახალგაზრდობის ეროვნული ცენტრის ორგანიზებულმა პროექტმა „სპორტი ბარიერების გარეშე“.
პროექტი მიზნად ისახავს მოზარდებში მასობრივი სპორტის პოპულარიზაციას, თავისუფალი დროის ნაყოფიერად გამოყენებას, სპორტული აქტივობების საშუალებით ხელი შეუწყოს ახალგაზრდებს და ახალგაზრდულ ცენტრებს ქვეყნის სხვადასხვა რეგიონიდან, მოახდინონ ჯანსაღი ცხოვრების და აქტიური მოქალაქეობის პოპულარიზაცია საკუთარ თემებში.
პროექტში მონაწილეობას ლანჩხუთის მუნიციპალიტეტის ყველა საჯარო და საბაზო სკოლა იღებს.
დღეს შეჯიბრი სპრინტში ჩატარდა (გარბენი 60 მეტრის მანძილზე). ვაჟებს შორის გამარჯვება წილად ხვდა ხაჯალიის საჯარო სკოლას. ჩოჩხათის სკოლა მეორე ადგილზე გავიდა, ხოლო ჩიბათის საჯარო სკოლამ მესამე ადგილი მოიპოვა.
გოგონებს შორის კი ადგილები ასე გადანაწილდა:
ხაჯალიის საჯარო სკოლა – პირველი ადგილი;
მესამე საჯარო სკოლა – მეორე ადგილი;
ჩოჩხათის საჯარო სკოლა – მესამე ადგილი.
შეჯიბრებები აღნიშნული პროექტის ფარგლებში სპორტის კიდევ რამდენიმე სახეობაში ჩატარდება. ესენია: მაგიდის ჩოგბურთი, ქუჩის კალათბურთი, ფეხბურთი, ჭადრაკი და ფრენბურთი.
ლანჩხუთში აღნიშნული პროექტი მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის ორგანიზებით ტარდება.
