სუფსის ადმინისტრაციულ ერთეულში სასტუმრო კომპლექსის მშენებლობა იგეგმება.
სუფსის ადმინისტრაციულ ერთეულში მდებარე მიწის ნაკვეთის განაშენიანების დეტალური გეგმის შემუშავების თაობაზე ლანჩხუთის მუნიციპალიტეტის მერისთვის თანხმობის მიცემის შესახებ, დღეს, საკრებულოს ეკონომიკის, ქონების მართვისა და ბუნებრივი რესურსების საკითხთა კომისიამ იმსჯელა.
კომისიაზე განმარტეს, რომ ლანჩხუთის მუნიციპალიტეტის მერიას განცხადებით მომართა მოქალაქე მალხაზ ქამადაძემ, რომელსაც თანასაკუთრებაში გააჩნია ლანჩხუთის მუნიციპალიტეტის სოფელ სუფსაში მიწის ნაკვეთი (ს/კ 27.15.46.111 ფართობი 5206 კვ.მ.) აღნიშნულ ტერიტორიაზე დაგეგმილი აქვს სასტუმრო კომპლექსის მშენებლობა.
საქართველოს სივრცის დაგეგმარების, არქიტექტურული და სამშენებლო საქმიანობის კოდექსის 43-ე მუხლის თანახმად, თუ ტერიტორიისთვის გენერალური გეგმა არ არსებობს განაშენიანების დეტალური გეგმის შემუშავების თაობაზე შესაბამისი მუნიციპალიტეტის აღმასრულებელი ორგანოს გადაწყვეტილება უნდა შეთანხმდეს იმავე მუნიციპალიტეტის საკრებულოსთან.
კომისიამ წარმოდგენილ საკითხს მხარი დაუჭირა.
