მუნიციპალიტეტის ადმინისტრაციული შენობის სხდომათა დარბაზში, ლანჩხუთის მუნიციპალიტეტის 2020 წლის ბიუჯეტის პროექტის საჯარო განხილვა მოეწყო, რომელსაც ადგილობრივი თვითმმართველობის, ა(ა)იპ-ების წარმომადგენლები და მოქალაქეები ესწრებოდნენ.
საზოგადოებას ბიუჯეტის პროექტი მუნიციპალიტეტის მერმა ალექსანდრე სარიშვილმა, საკრებულოს საფინანსო-საბიუჯეტო კომისიის თავმჯდომარე ალექსანდრე მახათაძემ და მერიის საფინანსო-საბიუჯეტო სამსახურის უფროსმა როლანდ ლაშხიამ წარუდგინეს.
მომავალი წლის მთავარი საფინანსო დოკუმენტის პროექტით, ლანჩხუთის მუნიციპალიტეტის ბიუჯეტი 10 030 600
ლარით განისაზღვრა.
მუნიციპალიტეტის პრიორიტეტული მიმართულებებია:
☑️ ინფრასტრუქტურის განვითარება;
☑️ დასუფთავება და გარემოს დაცვა;
☑️განათლება;
☑️კულტურა, ახალგაზრდობა და სპორტი;
☑️მოსახლეობის ჯანმრთელობის დაცვა და სოციალური უზრუნველყოფა;
☑️ მმართველობა და საერთო დანიშნულების ხარჯები.
შეხვედრა კითხვა-პასუხის რეჟიმში წარიმართა. საუბარი შეეხო მუნიციპალიტეტში მოქმედი ა(ა)იპ- ების დაფინანსებას, სოციალურ და კულტურულ პროგრამებს, ინფრასტრუქტურის პროექტების განხორციელებას, პროგრამულ ბიუჯეტსა და სხვა აქტუალურ საკითხებს.
შეხვედრაზე ძირითადი შეკითხვები ა(ა)იპ- ების დაფინანსების გაზარდის კუთხით დაისვა.
შეგახსენებთ, რომ საკრებულოს კომისიებსა და ფრაქციებში დაწყებულია ლანჩხუთის მუნიციპალიტეტის მთავარი საფინანსო დოკუმენტის განხილვა.
კანონმდებლობის შესაბამისად, საკრებულო მერიას ბიუჯეტის პროექტს რეკომენდაციებით, წინადადებებითა და შენიშვნებით არაუგვიანეს 25 ნოემბერს დაუბრუნებს.
