სამუშაო შეხვედრა მერთან

 

ლანჩხუთის მუნიციპალიტეტის მერმა ალექსანდრე სარიშვილმა ადმინისტრაციულ ერთეულებში თავის წარმომადგენლებთან სამუშაო შეხვედრა გამართა.
„მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონში შეტანილ ცვლილებებზე მერიის იურიდიული სამსახურის უფროსმა შოთა ჩაგუნავამ და მიწის ლეგალიზაციის კომისიის თავმჯდომარე ირაკლი ხუხუნაიშვილმა ისაუბრეს. მათი განმარტებით, მოსახლეობისათვის მარტივდება იმ კატეგორიის მიწის ნაკვეთების რეგისტრაციის პროცესი, რომელი ნაკვეთებიც გაცემულია საკარმიდამო ან საოჯახო მეურნეობის მოსაწყობად.
შეხვედრაზე ასევე განიხილეს ის ინფრასტრუქტურული პროექტები, რომლის განხორცილებაც მუნიციპალიტეტში იგეგმება. მათ შორისაა, „სოფლის მხარდაჭერის პროგრამის“ ფარგლებში განსახორციელებელი სამუშაოები.
ალექსანდრე სარიშვილმა ის საჭიროებები და პრობლემები მოისმინა, რაც ამ დროისთვის მოსახლეობას აწუხებს.

Share:

კომენტარის დატოვება