დღეს, ლანჩხუთის მუნიციპალიტეტის საკრებულოს რიგგარეშე სხდომა გაიმართა, რომელსაც ბესიკ ტაბიძე უძღვებოდა.
საკრებულომ დღის წესრიგით განსაზღვრულ ერთ საკითხზე მიიღო გადაწყვეტილება, ერთზე კი საჯარო-ადმიინისტრაციული წარმოება დაიწყო.
საკრებულომ დაამტკიცა განკარგულება „შპს ფეხბურთის კლუბ „ლანჩხუთის გურიას“ დაფუძნებაზე მერისთვის თანხმობის მიცემის შესახებ. კლუბის დაფუძნება არ არის დაკავშირებული ადგილობრივი ბიუჯეტის ხარჯების ზრდასთან, ვინაიდან დაფინანსება მოხდება ა (ა)იპ ქართული ფეხბურთის განვითარების ფონდიდან ა(ა)იპ ლანჩხუთის გურიასათვის გამოყოფილი ასიგნებების ფარგლებში.
დაიწყო ადმინისტრაციული წარმოება „ლანჩხუთის მუნიციპალიტეტის 2020 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2019 წლის 23 დეკემბრის N19 დადგენილებაში ცვლილების შეტანის თაობაზე“ ლანჩხუთის მუნიციპალიტეტის საკრებულოს დადგენილების მისაღებად.
ცვლილება შეეხება დასუფთავების ღონისძიებებში არსებული პრობლემების ნაწილობრივ მოგვარების მიზნით 100 ცალი 1100 ლიტრი ტევადობის ნაგვის ურნების შეძენას და ნიგოითის ადმინისტრაციულ ერთეულში ელექტრო-ენერგიის ქსელში ჩართვის მიზნით 800 ლარით კაპიტალური დაბანდებების გაზრდას გარე განათების სფეროში.
სხდომას მუნიციპალიტეტის მერის მოადგილე და საკითხის მომხსენებლები ესწრებოდნენ.
