დღეს ლანჩხუთის მუნიციპალიტეტის ბიუროს სხდომა გაიმართა, რომელსაც საკრებულოს თავმჯდომარის მოვალეობის შემსრულებელი ვლადიმერ ნანაძე უძღვებოდა.
ბიუროს სხდომამ განიხილა 2021 წელს განსახორციელებელი ინფრასტრუქტურული პროექტების მოწონების შესახებ განკარგულება ასევე ცნობად მიიღო ლანჩხუთის მუნიციპალიტეტის 2020 წლის ოქტომბრის თვის შესრულების ანგარიში
ბიურომ ლანჩხუთის მუნიციპალიტეტის 2021 წლის ბიუჯეტის პროექტი განიხილა.
როგორც ბიუროს სხდომაზე მუნიციპალიტეტის საფინანსო-საბიუჯეტო სამსახურის უფროსმა როლანდ ლაშხიამ აღნიშნა, მომავალი წლის მთავარი საფინანსო დოკუმენტი, პროექტის მიხედვით, 11 850 04 ლარით განისაზღვრა.
მუნიციპალიტეტის პრიორიტეტული მიმართულებებია:
- ინფრასტრუქტურის განვითარება;
- დასუფთავება და გარემოს დაცვა:
- განათლება;
- კულტურა, ახალგაზრდობა და სპორტი;
- მოსახლეობის ჯანმრთელობის დაცვა და სოციალური უზრუნველყოფა;
- მმართველობა და საერთო დანიშნულების ხარჯები.
როგორც აღინიშნა, 19 ნოემბრიდან საკრებულოს კომისიები და ფრაქციები ლანჩხუთის მუნიციპალიტეტის მთავარი საფინანსო დოკუმენტის განხილვას დაიწყებს.
საკრებულო ბიუჯეტს განიხილავს მერიის მიერ დაფუძნებული კერძო სამართლის იურიდიულ პირებისა და მერიის სამსახურების ხელმძღვანელებთან ერთად.
კანონმდებლობის შესაბამისად, საკრებულო მერიას ბიუჯეტის პროექტს რეკომენდაციებით, წინადადებებითა და შენიშვნებით არაუგვიანეს 25 ნოემბერს დაუბრუნებს.
საკრებულოს მორიგი სხდომის თარიღად 26 ნოემბერი, 11.00 საათი განისაზღვრა.
