პროექტის ,,მონაწილეობითი ბიუჯეტირების“ გამარჯვებული გამოვლინდა

 

ლანჩხუთის მუნიციპალიტეტის მერიაში დასრულდა მონაწილეობითი ბიუჯეტირების გამარჯვებული პროექტის შერჩევა. კომპეტენტურმა კომისიამ რამდენიმედღიანი მუშაობის შემდეგ ორი თემატური პროექტიდან გამარჯვებული მიღებულ ხმათა უმრავლესობით გამოავლინა. გაიმარჯვა პროექტმა “ახალგაზრდული ცენტრი”, რომელიც ითვალისწინებს ქალაქ ლანჩხუთში, თავისუფლების ქ. #26-ში ადაპტირებული სივრცის მოწყობას. “ახალგაზრდული ცენტრი” იქნება მულტიფუნქციური, სადაც ახალგაზრდებს შესაძლებლობა ექნებათ განახორციელონ არაფორმალური განათლების ხელშემწყობი აქტივობები, დაესწრონ საინტერესო ტრენინგებს. ცენტრი ხელს შეუწყობს ახალგაზრდებისათვის სხვადასხვა კომპეტენციების განვითარებას, ცნობიერების ამაღლებას, მათი ჩართულობის ზრდას საზოგადოებრივ ცხოვრებაში.
წელს მონაწილეობითი ბიუჯეტირების განსახორციელებლად 100 000 (ასი ათასი) ლარი გამოიყო. კონკურსი თემატური იყო. შემოსული პროექტებიდან მონაწილეობის მიღების უფლება მხოლოდ ორმა მოიპოვა.
შეგახსენებთ, რომ მონაწილეობითი ბიუჯეტირება ლანჩხუთის მუნიციპალიტეტში გასულ წელს დაიწყო და მაშინ მისი ბიუჯეტი 70 ათასი ლარი იყო.

 

Share:

კომენტარის დატოვება