დღეს ლანჩხუთის მუნიციპალიტეტის საკრებულოს ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
ბიუროს სხდომაზე განხილულ იქნა შემდეგი საკითხები:1. „ლანჩხუთის მუნიციპალიტეტის 2022 წლის ბიუჯეტიდან სოციალური დახმარების გაცემისა და მიღების წესის დამტკიცების შესახებ“ ლანჩხუთის მუნიციპალიტეტის საკრებულოს 2022 წლის 25 იანვრის N1 დადგენილებაში ცვლილების შეტანის თაობაზე“. საკითხი ბიუროს წევრებს ჯანმრთელობის დაცვისა და მუნიციპალური სერვისების სამსახურის უფროსმა თამარ ფირცხალაიშვილმა გააცნო. http://lanchkhuti.gov.ge/?p=11001
აღნიშნული ცვლილება საკრებულომ ფრაქცია „ქართული ოცნება – დემოკრატიული საქართველოს“ მიერ ინიცირებულ საკითხთან – ონკოდაავადებულების PET/KT (პოზიტრონ ემისიური ტომოგრაფიის) კვლევის თანადაფინანსებასთან დაკავშირებით ხორციელდება.2. „ლანჩხუთის მუნიციპალიტეტის საკრებულოს კომისიების შემადგენლობის ცნობად მიღების შესახებ“ ლანჩხუთის მუნიციპალიტეტის საკრებულოს 2021 წლის 3 დეკემბრის N66 განკარგულებაში ცვლილების შეტანის თაობაზე“, რომელიც კოლეგებს იურიდიულ საკითხთა და ეთიკის კომისიის თავმჯდომარე გიორგი ხელაძემ გააცნო. http://lanchkhuti.gov.ge/?p=11206
ბიურომ ასევე მოისმინა ლანჩხუთის მუნიციპალიტეტის 2022 წლის ბიუჯეტის ივნისის თვის შესრულების ანგარიში, რომელიც საკრებულოს წევრებს საფინანსო-საბიუჯეტო სამსახურის უფროსმა როლანდ ლაშხიამ გააცნო. http://lanchkhuti.gov.ge/?p=11198ბიუროს წევრებმა წარმოდგენილ საკითხებს უმრავლესობით მხარი დაუჭირეს.ძირითადი საკითხების დასრულების შემდეგ ბიუროს წევრებმა მუნიციპალიტეტში არსებული სხვადასხვა მნიშვნელოვანი საკითხებზე ისაუბრეს.
ბიუროს გადაწყვეტილებით, საკრებულოს სხდომის თარიღად განისაზღვრა 2022 წლის 27 ივლისის 12.00 საათი.
