კონკურსი „Fish festival/თევზის ფესტივალის ლოგო-ს“ გამოსავლენად

ლანჩხუთის მუნიციპალიტეტის ტურისტულად მნიშვნელოვანი ადგილის, სუფსის პოპულარიზაციის მიზნით, „Fish festival/თევზის ფესტივალის ლოგო-ს“ გამოსავლენად, კონკურსი ცხადდება.
სუფსა მდიდარი სოფელია, ის აერთიანებს სამ ტბას, აქ საოცრად ერწყმის ერთმანეთს მდინარე სუფსა და ზღვა; განვითარებულია თევზჭერა. სწორედ სუფსის უკეთ წარმოჩენისა და საზოგადოებისთვის ამ ერთ-ერთი უნიკალური დაბის უკეთ გაცნობის მიზნით დაიწყო „Fish festival/თევზის ფესტივალის“ იდეის ხორცშესხმა, რომელიც ხელს შეუწყობს ლანჩხუთის მუნიციპალიტეტში ტურისტული ახალი სეგმენტის განვითარებას.
კონკურსის ძირითადი თემაა „Fish festival/თევზის ფესტივალის ლოგო“, რომელიც სუფსის და ამ ფესტივალის მთავარი რგოლი გახდება.
კონკურსის პირობები:
მონაწილეებმა უნდა წარმოადგინონ ნახატი, ფოტო ან კომპიუტერული გრაფიკით შესრულებული ლოგო. აუცილებელია ლოგო მოიცავდეს ზღვის და სუფსის შეერთებას, მეთევზეობას და ა.შ.
კონკურსში მონაწილეობის მიღება შეუძლიათ 16 წლის ასაკიდან ზემოთ ლანჩხუთის მუნიციპალიტეტში მცხოვრებ ნებისმიერ პირს.
საკონკურსო მასალები მიიღება 2022 წლის 7 სექტემბრიდან 15 სექტემბრის ჩათვლით, შემდეგ ელექტრონულ ფოსტაზე: festivalfish2022@gmail.com
კონკურსის გამარჯვებული გამოვლინდება კომპეტენტური ჟიურის მიერ, რომელთა დაჯილდოება შედგება მიმდინარე წლის 22 სექტემბერს, „Fish festival/„Fish festival/თევზის ფესტივალზე“, სოფელ სუფსაში.
Share:

კომენტარის დატოვება