ლანჩხუთის მუნიციპალიტეტის მერი ალექსანდრე სარიშვილი და საკრებულოს თავმჯდომარე ბესიკ ტაბიძე გენდერული საბჭოს თავმჯდომარე ვერიკო კვირკველიასთან ერთად ,,ონკო ქეა ჯორჯიას“ წევრებს შეხვდნენ.შეხვედრა კამპანია ,,ვარდისფერი ოქტომბრის“ ფარგლებში შედგა.
ეს თარიღი მსოფლიოში 1997 წლიდან აღინიშნება, მიზანი კი ძუძუს კიბოს რისკების შესახებ ცნობადობის გაზრდა, რეგულარული თვითშემოწმების შესახებ ინფორმაციის გავრცელება და კიბოს სკრინინგის აუცილებლობაა.
როგორც ლანჩხუთის მერმა აღნიშნა, სკრინინგი და დროულად კვლევების ჩატარება თავიდან აგვაცილებს სხვადასხვა დაავადების რისკს. მნიშვნელოვანია ამ კუთხით ცნობიერების ამაღლება. ქალბატონებმა მადლობა გადაუხადეს ალექსანდრე სარიშვილს ყურადღებისა და მხარდაჭერისთვის.
შეხვედრაზე აღინიშნა, რომ გურიის ქალთა ორგანიზაციის ინიციატივით და ეროვნული სკრინინგ- ცენტრის მხარდაჭერით, გურიაში, ქალებისთვის ძუძუს და საშვილოსნოს ყელის კიბოს სკრინინგის ჩატარება იგეგმება.
31 ოქტომბერს-ლანჩხუთში სკრინინგის ჩატარებას შეძლებენ ქალბატონები:
40-დან 70 წლის ჩათვლით (ძუძუს კიბოს სკრინინგი)
25-დან 60 წლის ჩათვლით ( საშვილოსნოს ყელის კიბოს სკრინინგი)
სკრინინგის ჩატარება შესაძლებელი იქნება შემდეგ მისამართზე:
ლანჩხუთი-კლინიკა “მედალფა”(ჟორდანიას ქ. #136)
