ლანჩხუთის მუნიციპალიტეტის საკრებულოს ფრაქცია ,,ქართული ოცნება – დემოკრატიული საქართველოს“ სხდომა გაიმართა, რომელსაც ფრაქციის თავმჯდომარის მოადგილე ციცინო ჩხაიძე უძღვებოდა.
ფრაქციამ მუნიციპალიტეტში სოფლის მხარდაჭერის პროგრამით 2019 წელს დასაფინანსებელი პროექტების ნუსხა დაამტკიცა და სტიქიის პრევენციის მიზნით 2019 წელს განსახორციელებელი პროექტებიც მოიწონა.
სტიქიის პრევენციის მიზნით 2019 წელს განსახორციელებელი პროექტის ფარგლებში, ქ. ლანჩხუთში მარჯანიშვილის, გოგიჩაიშვილისა და ურუშაძის ქუჩებზე რკინა-ბეტონის სანიაღვრე არხები მოეწყობა. სამუშაოების ღირებულება 536 993 ლარს შეადგენს.
სხდომაზე მუნიციპალიტეტის 2019 წლის ბიუჯეტში განსახორციელებელ ცვლილებებზე იმსჯელეს და წარმოდგენილ პროექტს მხარი დაუჭირეს.
ასევე განხილულ იქნა მერიის მიერ ინიცირებულ საკითხები ადგილობრივი გადასახადისა და საპრივატიზაციო ნუსხის დამტკიცების შესახებ.
