ლანჩხუთის მუნიციპალიტეტის მარიკა ორაგველიძის სახელობის სამუსიკო სკოლამ კომპოზიტორ კარლ ჩერნის სახელობის კონკურსს უმასპინძლა.
კონკურსში მონაწილეობა ლანჩხუთისა და სუფსის სკოლებთან ერთად მიიღეს ჭიათურის, ზუგდიდის, აბაშის, ზესტაფონის, ბათუმის სამუსიკო სკოლების აღსაზრდელებმა.
სხვადასხვა ნომინაციებში გამოვლინდნენ გამარჯვებულები.
მნიშვნელოვანია, რომ ხელოვნების აკადემიის საპატიო წევრის წოდება 4 სკოლის ხელმძღვანელს, მათ შორის, ლანჩხუთის მ. ორაგველიძის სახელობისა და სუფსის სამუსიკო სკოლის დირექტორებს, მაია ჩავლეიშვილსა და ნანი მარგალიტაძეს მიენიჭა.
დასკვნით ღონისძიებას ლანჩხუთის მერი ალექსანდრე სარიშვილი, პირველი მოადგილე ეკატერინე გუჯაბიძე, საკრებულოს თავმჯდომარე ბესიკ ტაბიძე, სახელმწიფო რწმუნებულის ადმინისტრაციისა და ადგილობრივი ხელისუფლების სხვა წარმომადგენლები დაესწრნენ.
-პირველ რიგში მინდა მადლობა გადავუხადო კონკურსის სულის ჩამდგმელს, პიანისტს ვალერიან შიუკაშვილს. მოგეხსენებათ აღნიშნული კონკურსი ლანჩხუთში პირველად ტარდება. იმედი მაქვს, მომავალში კიდევ უფრო მეტი სკოლა ჩაერთვება მასში და კიდევ უფრო მასშტაბური გახდება. გილოცავთ, თითოეულ მონაწილეს ვულოცავ გამარჯვებას და წარმატებებს ვუსურვებ“- აღნიშნა ლანჩხუთის მერმა.
