ანსამბლი ,,ხელხვავი“ 50 წლისაა. საიუბილეო თარიღთან დაკავშირებით ლანჩხუთის კულტურის ცენტრში ღონისძიება გაიმართა, რომელშიც მონაწილეობა მიიღეს ანსამბლებმა: ,,ხელხვავი”, ,,ცისიერი”, ,,აცაურა”, ,,მხედრები” და ქორეოგრაფიული ანსამბლი ,,იმედი”, ვანის მუნიციპალიტეტის ანსამბლი ,,შუამთა” და ოზურგეთის მუნიციპალიტეტის კულტურისა და მოსწავლე/ახალგაზრდობის ცენტრთან არსებული ანსამბლი ,,იადონი”.
-ვულოცავ ანსამბლ ,,ხელხვავის“ თითოეულ წევრს ამ მნიშვნელოვან თარიღს. ეს ადამიანები ათწლეულების მანძილზე ღირსეულად ემსახურებოდნენ ქართული ფოლკლორის დაცვას, შენარჩუნებასა და პოპულარიზაციას. მშვიდობას, ჯანმრთელობას და კეთილდღეობას გისურვებთ! დიდხანს იყავით ქართული ხალხური სიმღერის სადარაჯოზე- აღნიშნა ლანჩხუთის მერმა.
ღონისძიებას ლანჩხუთის მერი ალექსანდრე სარიშვილი, სახელმწიფო რწმუნებული გურიის მხარეში გიორგი ურუშაძე, საკრებულოს თავმჯდომარე ბესიკ ტაბიძე და ადგილობრივი ხელისუფლების სხვა წარმომადგენლები ესწრებოდნენ.
