სხდომათა დარბაზში 2024 წლის ბიუჯეტის პროექტის საჯარო განხილვა გაიმართა.
მუნიციპალიტეტის მერმა, ალექსანდრე სარიშვილმა 2024 წლის ბიუჯეტის პროექტსა და მის ძირითად პარამეტრებზე ისაუბრა. მომავალი წლის ბიუჯეტი 22 მილიონ 755,3 ათას ლარითაა განსაზღვრული.
სხვადასხვა მნიშვნელოვან საკითხზე საკრებულოს თავმჯდომარე ბესიკ ტაბიძემ გაამახვილა ყურადღება. საკრებულოს თანამდებობის პირებმა კი ბიუჯეტის პროექტზე თავიანთი მოსაზრებები წარმოადგინეს.
შეხვედრას ადგილობრივი თვითმმართველობის, მერიისა და საკრებულოს თანამდებობის პირები, საინიციატივო ჯგუფების, ახალგაზრდული მრჩეველთა საბჭოს, ადგილობრივი ა(ა)იპ-ების, შპს-ების, მედიის, არასამთავრობო ორგანიზაციის წარმომადგენლები ესწრებოდნენ.
შეხვედრა კითხვა-პასუხის რეჟიმში წარიმართა.
2024 წლის ბიუჯეტის პროექტზე მუშაობა გაგრძელდება კანონმდებლობით გათვალისწინებული წესით.
