ლანჩხუთის მუნიციპალიტეტის მერმა ალექსანდრე სარიშვილმა სამსახურების უფროსებთან სამუშაო შეხვედრა გამართა.
პირველ რიგში მუნიციპალიტეტის მერმა მიმდინარე პროექტებსა და ტენდერებზე მოისმინა ინფორმაცია. შეხვედრაზე აღინიშნა, რომ მუნიციპალიტეტში აქტიურად მიმდინარეობს ტურისტული ინფრასტრუქტურის განვითარება.
ამჯერად კიდევ ერთი ახალი პროექტის განხორციელება იწყება, რომელსაც გერმანიის საერთაშორისო თანამშრომლობის საზოგადოება (GIZ) ფარგლებში ევროკავშირისა და გერმანიის მთავრობის მიერ დაფინანსებული პროექტის „ეკონომიკური და სოციალური ცხოვრების კატალიზატორი“ (CESL) ახორციელებს. კერძოდ, პროექტი ითვალისწინებს სოფელ ჩიბათში, მდინარე ფიჩორის სანაპიროზე მოწყობილი ტურისტული ინფრასტრუქტურის მიმდებარედ ვიზიტორთა სახლის და ღია კაფეს მშენებლობას, კოლხეთის ეროვნულ პარკში შესასვლელად ელექტროძრავიანი ნავების შესყიდვას, აგრეთვე პროექტის ფარგლებში შეძენილი იქნება 5 ცალი კაიაკი და ვიზიტორთა სახლისათვის საჭირო ინვენტარი.
პროექტის ღირებულება შეადგენს 632261 ლარს, აქედან გრანტის ფარგლებში გამოფოფილია 500 000 ლარი, ხოლო 132261 ლარი დაფინანსდება ადგილობრივი ბიუჯეტის ფარგლებში.
გარდა ამისა, ,,სოფლის მხარდაჭერის პროგრამის“ ფარგლებში დასრულდა კრებები და კონსულტაციები, დაიწყება პროექტებზე მუშაობა.
ყურადღება გამახვილდა სპორტული ინფრასტრუქტურის მოწესრიგებასა და ამ კუთხით დაგეგმილ სხვადასხვა ღონისძიებებზე.
მერმა დაავალა შესაბამის სამსახურებს მაქსიმალურად გააკონტროლონ ინფრასტრუქტურული პროექტების შესრულების ხარისხი.
