ლანჩხუთის მუნიციპალიტეტის მერმა, მოადგილეებთან ერთად, სამსახურების უფროსებთან სამუშაო შეხვედრა გამართა.ალექსანდრე სარიშვილმა მოისმინა ინფორმაცია 2024 წლის ბიუჯეტის შესრულებასთან დაკავშირებით. როგორც საფინანსო-საბიუჯეტო სამსახურის უფროსმა როლანდ ლაშხიამ აღნიშნა, დარჩენილ პერიოდში უზრუნველყოფილი იქნება მიმდინარე წლის ბიუჯეტის შესრულება. შეხვედრაზე აღინიშნა, რომ მუნიციპალიტეტში აქტიურად მიმდინარეობს სტიქიის სალიკვიდაციო ღონისძიებები. ნაპირსამაგრების მოწყობა და საგზაო ინფრასტრუქტურის მოწესრიგება. ქალაქში გრძელდება ქუჩების რეაბილიტაცია. სამუშაოები ამჟამად თბილისის ქუჩაზე იწყება. ალექსანდრე სარიშვილმა მოისმინა ინფორმაცია სოციალური და ჯანდაცვის პროგრამების შესახებ. შეხვედრაზე აღინიშნა, რომ ქალაქში საახალწლოდ განათებებისა და ილუმინაციების მონტაჟი იწყება. სადღესასწაულო დღეებთან დაკავშირებით მუნიციპალიტეტში დაგეგმილია სხვადასხვა ღონისძიებები.
