შობის დღესასწაულთან დაკავშირებით ტრადიციული ალილო მოეწყო ლანჩხუთში.
ალილოს მონაწილეებმა მსვლელობა ივერიის ღვთისმშობლის ხატის სახელობის საკათედრო ტაძრიდან დაიწყეს.
შობის დღესასწაული მეალილოეებს მერმა ალექსანდრე სარიშვილმა მოადგილეებთან და საკრებულოს დეპუტატებთან ერთად მიულოცა.
შეგროვილი ნობათი სოციალურად დაუცველ მოსახლეობას გადაეცემა.
–ყველას ვულოცავ ქრისტეშობას. ურთიერთპატივისცემას, სიყვარულს, მშვიდობას, სიხარულს, ჯანმრთელობას და კეთილდღეობას გისურვებთ. მრავალს დაესწარით! – აღნიშნა ლანჩხუთის მერმა.
