ქართული ენის დაცვისა და დედაენის დღესთან დაკავშირებით ლანჩხუთის მუნიციპალიტეტის მერია აცხადებს შემოქმედებით კონკურსს – ,,მთიები“.
კონკურსის თემაა ,,ო, ენავ ჩემო, დედაო ენავ…“
კონკურსი ჩატარდება მხატვრულ კითხვაში (პოეზია, პროზა) და სახვით ხელოვნებაში: ფერწერა, ქანდაკება, გობელენი, გრაფიკა;
კონკურსში მონაწილეობა შეუძლიათ ლანჩხუთის მუნიციპალიტეტში მცხოვრებ ახალგაზრდებს 14-დან 29 წლის ჩათვლით.
კონკურსის მიზანია შემოქმედებითი ნიჭით დაჯილდოებული ახალგაზრდების გამოვლენა, მათი პოპულარიზაცია და მოტივაცია.
სახვით ხელოვნებაში კონკურსანტებმა ნამუშევრები უნდა წარმოადგინონ 14 მარტიდან 4 აპრილის დღის 12:00 საათამდე, მატერიალურად, მერიის განათლების, კულტურის, ძეგლთა დაცვის, ტურიზმის, სპორტისა და ახალგაზრდულ საქმეთა სამსახურში. კონკურსანტის განაცხადი ნამუშევრის ფოტოთი, წარმოდგენილი უნდა იყოს ელექტრონულად შემდეგ მისამართზე: mtiebi2021@gmail.com
ნამუშევარს თან უნდა ერთვოდეს კონკურსის მონაწილის სახელი, გვარი, პირადობის დამადასტურებელი მოწმობა ან დაბადების მოწმობა, საკონტაქტო ინფორმაცია (ტელ. ნომერი; ელ.ფოსტა).
მხატვრულ კითხვაში კონკურსანტებმა ელექტრონულ მისამართზე: mtiebi2021@gmail.com უნდა მიუთითონ ნაწარმოების ავტორი და სათაური; მონაწილის სახელი, გვარი, პირადობის დამადასტურებელი მოწმობა ან დაბადების მოწმობა, საკონტაქტო ინფორმაცია (ტელ. ნომერი; ელ.ფოსტა).
კონკურსი ჩატარდება 6 აპრილს, 13:00 საათიდან მარიკა ორაგველიძის სახელობის სამუსიკო სკოლაში.
მის.: ქ. ლანჩხუთი, ნინოშვილის ქ. #31
გამარჯვებულებს გამოავლენს კომპეტენტური ჟიური.
14 აპრილს დედაენის დღისადმი მიძღვნილი ღონისძიების ფარგლებში გაიმართება გამარჯვებული კონკურსანტების დაჯილდოება.
კონკურსში გამარჯვებულებს გადაეცემა ფულადი ჯილდო, პრიზები და საჩუქრები.
კონკურსის ორგანიზატორია ლანჩხუთის მუნიციპალიტეტის მერიის განათლების, კულტურის, ტურიზმის, ძეგლთა დაცვის, სპორტისა და ახალგაზრდულ საქმეთა სამსახური.
დამატებითი ინფორმაციისთვის დარეკეთ: 599 72 67 31; 577 39 83 22
