ლანჩხუთის საკრებულოს თავმჯდომარის, ბესიკ ტაბიძის ხელმძღვანელობით დღეს ლანჩხუთის მუნიციპალიტეტის საკრებულოს ბიუროს სხდომა გაიმართა.სხდომაზე დღის წესრიგით გათვალისწინებული საკითხები განიხილეს.
ბიუროს სხდომაზე ლანჩხუთის მუნიციპალიტეტის 2025 წლის პირველი კვარტლის და აპრილის თვის შესრულებული ანგარიშები მოისმინეს. ანგარიშები ბიუროს წევრებს მერიის საფინანსო-საბიუჯეტო სამსახურის უფროსმა, როლანდ ლაშხიამ გააცნო.
ძირითადი საკითხების დასრულების შემდეგ ბიუროს წევრებმა მუნიციპალიტეტში არსებულ სხვადასხვა მნიშვნელოვან საკითხზე იმსჯელეს.
ბიუროს გადაწყვეტილებით, საკრებულოს სხდომა 2025 წლის 27 მაისს გაიმართება.
