ლანჩხუთის სკრინინგ ცენტრში უფასო კვლევები ა(ა) იპ ,,კეთილმოწყობისა და მომსახურების ცენტრისა“ და ა(ა) იპ ,,სკოლამდელი სასწავლო ცენტრის“ თანამშრომლებისთვის ჩატარდა.
სკრინინგთან ერთად, ლანჩხუთის საზოგადოებრივი ჯანდაცვის ცენტრის ორგანიზებით, ბენეფიციარებმა C ჰეპატიტისა და აივ ინფექციის ტესტირება გაიარეს.
როგორც ლანჩხუთის საზოგადოებრივი ჯანდაცვის ცენტრის ხელმძღვანელმა ირმა კეშელავამ განაცხადა, ლანჩხუთში არსებული სკრინინგ ცენტრი აღჭურვილია უახლესი, თანამედროვე აპარატურით, რაც საშუალებას აძლევს მუნიციპალიტეტში მცხოვრებ მოსახლეობას, ჩაიტარონ სკრინინგი, რადგან დროული დიაგნოსტიკა კიბოს დამარცხების საუკეთესო საშუალებაა.
