ლანჩხუთის მუნიციპალიტეტის მერმა ალექსანდრე სარიშვილმა მოადგილეებთან და საკრებულოს თავმჯდომარე ბესიკ ტაბიძესთან ერთად საქართველოს ტერიტორიული მთლიანობისთვის დაღუპული მებრძოლების ხსოვნას პატივი მიაგო. აგარაკის ივერიის ღვთისმშობლის ხატის სახელობის ტაძარში დაღუპული გმირების სულთა მოსახსენებელი პანაშვიდი აღევლინა.
-32 წელი გავიდა სოხუმის დაცემის დღიდან. ვიხსენებთ გარდაცვლილ გმირებს, ვამაყობთ და არ ვივიწყებთ მათ. მშვიდობიან, ერთიან, ძლიერ საქართველოში ცხოვრებას გისურვებთ! ჯვართამაღლების დიდებულ დღესასწაულს გილოცავთ. ჯვრის ძალა და მადლი ფარავდეს ჩვენს ქვეყანას! -აღნიშნა ლანჩხუთის მერმა.
მუნიციპალიტეტისგან ომში დაღუპული ჯარისკაცების ოჯახებს ფულადი თანხა გადაეცა.
ადმინისტრაციულ შენობაზე დაშვებულია საქართველოს სახელმწიფო დროშა.
