ლანჩხუთის მუნიციპალიტეტის მერმა ალექსანდრე სარიშვილმა გურიის მხარეში სახელმწიფო რწმუნებულ გიორგი ღურჯუმელიძესთან და ადგილობრივი ხელისუფლების წარმომადგენლებთან ერთად, ლანჩხუთის მუნიციპალიტეტის სოფელ აკეთის ახლად აშენებული საბავშვო ბაღი დაათვალიერა.
პროექტის ფარგლებში მოეწყო სათამაშო და საძინებელი ოთახები, შიდა და გარე სივრცეები, რეკრეაციული ზონები. სკოლამდელი აღზრდის დაწესებულება ადაპტირებულია განსაკუთრებული საჭიროებების მქონე მოსწავლეებისთვის. ბაღის მშენებლობა მუნიციპალური განვითარების ფონდის მიერ განხორციელდა.
