დღეს ლანჩხუთის მუნიციპალიტეტის საკრებულოს მორიგი სხდომა გაიმართა, რომელსაც თავმჯდომარე ბესიკ ტაბიძე უძღვებოდა. სხდომაზე დამტკიცდა 2026 წლის ბიუჯეტის პროექტი, რომლის ოდენობა 27 მილიონ 541 ათას ლარს შეადგენს, ასევე 2026–2029 წლების პრიორიტეტების დოკუმენტი. საკითხები საკრებულოს მუნიციპალიტეტის მერმა ალექსანდრე სარიშვილმა წარუდგინა.საკრებულომ დაამტკიცა ქალთა და ბავშვთა საკითხებზე მომუშავე მუნიციპალური საბჭოს შექმნა. ასევე დაიწყო ადმინისტრაციული წარმოება 2025 წლის ბიუჯეტში ცვლილებების შეტანისა და საშტატო ნუსხისა და თანამდებობრივი სარგოების კორექტირების მიზნით.
სხდომაზე მოწონებული იქნა 2026 წელს განსახორციელებელი ინფრასტრუქტურული პროექტები.
გარდა ამისა, იმსჯელეს საკრებულოს რეგლამენტში ცვლილებების შეტანის, სოციალური დახმარების გაცემის წესისა და მუნიციპალიტეტის ქონების პრივატიზაციის გეგმაში ცვლილებების საკითხებზე.
