ლანჩხუთის მერი ალექსანდრე სარიშვილი მოადგილე თორნიკე ტიკაძესთან და საკრებულოს თავმჯდომარე ბესიკ ტაბიძესთან ერთად სოფელ აცანის მოსახლეობას შეხვდა.
როგორც მერმა აღნიშნა, ადგილობრივი მცხოვრებლებისაგან მიიღეს ინფორმაცია ცალკეულ პრობლემებთან დაკავშირებით. ალექსანდრე სარიშვილის განცხადებით, ეტაპობრივად გადაიჭრება ყველა ის საკითხი, რომელიც მოსახლეობას აწუხებს.
„დღეს სოფელ აცანის სხვადასხვა უბანში შევხვდით ადგილობრივ მცხოვრებლებს. მათგან მივიღეთ ინფორმაცია იმ თემებზე, რომელიც უახლოეს პერიოდში უნდა მოგვარდეს. ყველა საკითხი, რომელიც მოსახლეობას აწუხებს, ეტაპობრივად გადაიჭრება“, – აღნიშნა ალექსანდრე სარიშვილმა.
