დღეს „უფასო სასადილო მზრუნველობა მოკლებულთათვის“ ბენეფიციარებს საჩუქრები გადაეცა.
აღდგომის ბრწყინვალე დღესასწაული მათ ლანჩხუთის მუნიციპალიტეტის მერმა ალექსანდრე სარიშვილმა და საკრებულოს თავმჯდომარე ბესიკ ტაბიძემ მიულოცეს.
_ მინდა მადლობა გადავუხადო მათ დახმარებისთვის, თანადგომისთვის. უდიდესი დღესასწაული ასე თბილად მოგვილოცეს და გაგვახარეს. კიდევ ერთხელ მადლობა მათ _ განაცხადა ნარგიზ სარჯველაძემ.
„უფასო სასადილო მზრუნველობა მოკლებულთათვის“ ლანჩხუთში 94 ბენეფიციარს ყოველდღიურად ემსახურება.
