ლანჩხუთის მუნიციპალიტეტის მერი ალექსანდრე სარიშვილი პირველ მოადგილე ეკატერინე გუჯაბიძესთან ერთად ლანჩხუთის სკრინინგ ცენტრში დაავადებათა კონტროლისა და საზოგადოებრივი ჯანდაცვის რეგიონული საქმიანობს კოორდინაციისა და საზოგადოებრივი ჯანდაცვის სახელმწიფო პროგრამების მონიტორინგის სამმართველოს უფროსს მაია მახარაძეს შეხვდა.
-,,სკრინინგ ცენტრის არსებობა არა მარტო ლანჩხუთისთვის, არამედ მთლიანად რეგიონისთვის მნიშვნელოვანია. ცენტრი აღჭურვილია თანამედროვე აპარატურით, რაც საშუალებას აძლევს მოქალაქეებს, ადგილზე ჩაიტარონ კვალიფიციური კვლევები. ჩვენ ყოველთვის მზად ვართ მხარი დავუჭიროთ მსგავს პროექტებს და შესაძლებლობის ფარგლებში ხელი შევუწყოთ მათ საქმიანობას“ – აღნიშნა ლანჩხუთის მერმა.
3 და 4 ივნისს ლანჩხუთის სკრინინგ ცენტრში მორიგი აქცია გაიმართა, რომლითაც 143-მა ბენეფიციარმა ისარგებლა.
შეხვედრას დაავადებათა კონტროლის ეროვნული ცენტრის გურიის განყოფილების ხელმძღვანელი არჩილ მჟავია და ლანჩხუთის საზოგადოებრივი ჯანდაცვის ცენტრის ხელმძღვანელი ირმა კეშელავა ესწრებოდნენ.
