ლანჩხუთის მუნიციპალიტეტის საკრებულოში თავმჯდომარის, ბესიკ ტაბიძის ხელმძღვანელობით ბიუროს სხდომა გაიმართა.
ბიურომ იმსჯელა განკარგულების პროექტებზე – ღრმაღელის ადმინისტრაციულ ერთეულში სოფელ წყალწმინდის №3 ქუჩისთვის – წმინდა ბარბარეს სახელის, №4 ქუჩისთვის მშვიდობის, №6 ქუჩისთვის წმინდა გიორგის, №7 ქუჩისთვის თავისუფლების, №8 ქუჩისთვის ანდრია პირველწოდებულის, სოფელ ქვიშიანის №4 ქუჩისთვის „ქვიშიანის“, სოფელ ომფარეთის №1 ქუჩისთვის საქართველოს ტერიტორიული მთლიანობისთვის დაღუპული პირის, ვაჟა თოდუას, ასევე სოფელ ორმეთის №1 ქუჩისთვის ბერი გაბრიელის სახელის მინიჭების შესახებ.
სხდომაზე ასევე განიხილეს პროექტი – „ლანჩხუთის მუნიციპალიტეტის ადმინისტრაციულ საზღვრებში შავი ზღვის სანაპირო ზოლში ზომამცირე გემების ბაზირების პუნქტების ადგილების განსაზღვრის შესახებ“.
სხდომაზე მხარი დაუჭირეს ადმინისტრაციული წარმოების დაიწყებას შემდეგ პროექტებზე: „ლანჩხუთის მუნიციპალიტეტის მერიის დებულების დამტკიცების შესახებ“ და „ლანჩხუთის მუნიციპალიტეტის ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 29 ივლისის N20 დადგენილებაში ცვლილების შეტანის თაობაზე“.
ბიუროს წევრებმა იმსჯელეს „ლანჩხუთის მუნიციპალიტეტის 2026 წლის ბიუჯეტის დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 24 დეკემბრის N26 დადგენილებაში ცვლილების შეტანის თაობაზე.
ბიურომ მოისმინა და ცნობად მიიღო ლანჩხუთის მუნიციპალიტეტის 2026 წლის ბიუჯეტის ექვსი თვის და ივლისის თვის შესრულების ანგარიშები.
ბიუროს გადაწყვეტილებით, ლანჩხუთის მუნიციპალიტეტის საკრებულოს სხდომა 25 აგვისტოს გაიმართება.
