ლანჩხუთის მუნიციპალიტეტის საკრებულოში თავმჯდომარის, ბესიკ ტაბიძის ხელმძღვანელობით ბიუროს სხდომა გაიმართა.
ბიუროს სხდომას მუნიციპალიტეტის მერი ალექსანდრე სარიშვილი ესწრებოდა.
ბიურომ იმსჯელა პროექტებზე: „ლანჩხუთის მუნიციპალიტეტის მერიის დებულების დამტკიცების შესახებ“ და „ლანჩხუთის მუნიციპალიტეტის ქალისა და მამაკაცის თანასწორობისა და ბავშვთა საკითხებზე მომუშავე მუნიციპალური საბჭოს შექმნისა და მისი დებულების დამტკიცების შესახებ“ ლანჩხუთის მუნიციპალიტეტის საკრებულოს 2025 წლის 29 ივლისის N20 დადგენილებაში ცვლილების შეტანის თაობაზე“.
ბიუროზე ასევე იმსჯელეს სსიპ ლანჩხუთის მუნიციპალიტეტის სოფელ ჭანჭათის საჯარო სკოლისთვის ეროვნული გმირის ვლადიმერ (ვალოდია) გოგუაძის სახელის მინიჭებაზე და სსიპ ლანჩხუთის მუნიციპალიტეტის სოფელ ხაჯალიის საჯარო სკოლისთვის საქართველოს დამოუკიდებლობისთვის მებრძოლი, პუბლიცისტისა და მეცნიერის ისიდორე მანწკავას სახელის მინიჭებაზე თანხმობის გაცემის შესახებ.
სხდომამ მხარი დაუჭირა განკარგულების პროექტს – „ლანჩხუთის მუნიციპალიტეტის საკუთრებაში არსებული ქონების, შპს ,,მედალფასთვის“ პირდაპირი განკარგვის წესით, სასყიდლიანი სარგებლობის უფლებით გადაცემაზე მერისათვის თანხმობის მიცემის შესახებ“.
ბიურომ მოისმინა და ცნობად მიიღო ლანჩხუთის მუნიციპალიტეტის 2026 წლის ბიუჯეტის აგვისტოს თვის შესრულების ანგარიში.
ბიუროს გადაწყვეტილებით, ლანჩხუთის მუნიციპალიტეტის საკრებულოს სხდომა 25 სექტემბერს გაიმართება.
