მუნიციპალიტეტში „მოიზიდე და გაანადგურე“ სადგურების მონტაჟი აქტიურად მიმდინარეობს. აღნიშნული სადგურების მეშვეობით, ტყისა და სასოფლო-სამეურნეო სავარგულების ბუფერულ ზონაში მოხდება გამოსული მავნებლის ლოკალიზება და განადგურება, იმისათვის რომ ფაროსანა სასოფლო-სამეურნეო კულტურებზე არ გავრცელდეს.
მოსაზიდი ხაფანგების მეშვეობით, მონიტორინგის ჯგუფის წევრები მონიტორინგს ახორციელებენ, რათა დადგინდეს მავნებლის იდენტიფიციკაცია და გავრცელების არეალი. შედეგების მიხედვით დაიგეგმება მავნებლის საწინააღმდეგო ღონისძიებები.
მონიტორინგის პარალელურად, ფაროსანას საწინააღმეგოდ გასატარებელი მექანიკური მეთოდების გაცნობის მიზნით, ადგილობრივ მოსახლეობასთან შეხვედრები იმართება.
აღნიშნული ღონისძიების ფარგლებში, დღეს, ლანჩხუთის მუნიციპალიტეტის სოფელ ნიგოითში ადგილობრივებთან სამუშაო შეხვედრები გაიმართა, სადაც მოსახლეობას მუნიციპალიტეტის მერმა ალექსანდრე სარიშვილმა და აზიურ ფაროსანასთან ბრძოლის საკოორდინაციო მართვის ცენტრის ხელმძღვანელმა ლაშა შალამბერიძემ „მოიზიდე და გაანადგურე“ საშუალებების მექანიკური მეთოდები გააცნეს და დაგეგმილ ღონისძიებებზე დეტალური ინფორმაცია მიაწოდეს.
შეხვედრებზე ხაზგასმით აღინიშნა, რომ მავნებელთან ბრძოლაში მნიშვნელოვანია მოსახლეობის აქტიური ჩართულობა.
