საქართველოს პრემიერ-მინისტრის ინიციატივის – პროგრამა „ჩემი პირველი ნერგის” ფარგლებში, ლანჩხუთის მუნიციპალიტეტში გამწვანების აქცია გაიმართა.
გამწვანებით ღონისძიებაში ლანჩხუთის მუნიციპალიტეტის მერი ალექსანდრე სარიშვილი, საკრებულოს თავმჯდომარე ბესიკ ტაბიძე, საგანმანათლებლო რესურსცენტრის ხელმძღვანელი ნინო ჩიტაძე და ლანჩხუთის N1 საჯარო სკოლის პირველკლასელები მონაწილეობდნენ.
ღონისძიების მიზანი მოზარდებსა და ახალგაზრდებში გარემოს დაცვის მიმართულებით ცნობიერების ამაღლება იყო.
პროგრამა „ჩემი პირველი ნერგი“ საქართველოს გარემოს დაცვისა და სოფლის მეურნეობის სამინისტროს, სსიპ გარემოსდაცვითი ინფორმაციისა და განათლების ცენტრის, საქართველოს განათლების, მეცნიერებისა და ახალგაზრდობის სამინისტროს, სახელმწიფო რწმუნებულების ადმინისტრაციებისა და მუნიციპალიტეტების ჩართულობით ხორციელდება.
