მუნიციპალიტეტის საკრებულოს 17 ნოემბრის ბიუროს სხდომა

ლანჩხუთის მუნიციპალიტეტის საკრებულოში ბიუროს სხდომა გაიმართა, რომელსაც საკრებულოს თავმჯდომარე ბესიკ ტაბიძე უძღვებოდა.
ბიუროს წევრებმა იმსჯელეს მუნიციპალური ტრანსპორტით მგზავრობის ტარიფებსა და შეღავათებთან დაკავშირებით, ასევე მშენებლობის სანებართვო მოსაკრებელთან დაკავშირებულ დადგენილებებში ცვლილებების შეტანის საკითხებზე.
მოისმინეს ლანჩხუთის მუნიციპალიტეტის 2026 წლის ბიუჯეტის ცხრა თვისა და ოქტომბრის თვის შესრულების ანგარიშები.
სხდომაზე ასევე განიხილეს მუნიციპალიტეტის საკუთრებაში არსებული უძრავი ქონების ელექტრონული აუქციონის წესით, სასყიდლიანი სარგებლობის უფლებით გადაცემასთან დაკავშირებული საკითხები და მუნიციპალიტეტის ქონების საპრივატიზაციო ობიექტების ნუსხასა და პრივატიზაციის გეგმაში ცვლილების შეტანის საკითხი.
ბიურომ იმსჯელა ლანჩხუთის მუნიციპალიტეტის 2027 წლის ბიუჯეტის დამტკიცების მიზნით ადმინისტრაციული წარმოების დაწყების შესახებ. მომავალი წლის მთავარი საფინანსო დოკუმენტი, პირველი ვარიანტის თანახმად, 34 519 900 ლარით განისაზღვრება.
ბიუროს სხდომის ფარგლებში განხილული საკითხები შემდგომი პროცედურების გასავლელად საკრებულოს შესაბამის კომისიებსა და ფრაქციებს გადაეგზავნება.
Share:

კომენტარის დატოვება