საქართველოს ყველა მუნიციპალიტეტში დაიწყო პროექტი „ახალგაზრდა ხელოვანი“, რომელიც სსიპ „ბავშვთა და ახალგაზრდობის ეროვნული ცენტრის“ ორგანიზებით ტარდება.
ეს არის კონკურსი დამწყები პროზაიკოსებისა და მხატვრებისათვის.
პროექტში წელს ლანჩხუთის მუნიციპალიტეტიც ჩაერთო.
კონკურსი ოთხი ეტაპისაგან შედგება. პირველ ეტაპზე მუნიციპალურ დონეზე ყველა სკოლის 14-18 წლის მოსწავლე წარადგენს თავის ლიტერატურულ ნამუშევარს და ნახატს. კომპეტენტური ჟიურის მიერ შეირჩევა 5 საუკეთესო მხატვარი და 6 საუკეთესო ახალგაზრდა მწერალი, რომლებიც შემდეგ ეტაპზე გაემგზავრებიან რეგიონულ კონკურსზე, სადაც ასევე გამოვლინდებიან გამარჯვებულები და ისინი შაორში, „მომავლის ბანაკში“ გაემგზავრებიან.
ლანჩხუთის მუნიციპალიტეტში პროექტი ლანჩხუთის მუნიციპალიტეტის მერიისა და საგანმანათლებლო რესურსცენტრის მხარდაჭერით ტარდება.
კონკურსში მონაწილეობის მსურველებმა ნამუშევრები უნდა წარმოადგინონ მიმდინარე წლის 20 მაისს, დილის 10 საათიდან 13 საათამდე, ლანჩხუთის მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურში, მერიის მეოთხე სართულზე. ნამუშევრები გადაეგზავნება კომპეტენტურ ჟიურის, რომელიც გამოავლენს 11 გამარჯვებულ მონაწილეს მხატვრობასა და პროზაში.
კონკურსის დასკვნითი ეტაპზე ფინალისტების ნამუშევრებიდან შეირჩევა საუკეთესო ნახატები და ნაწარმოებები და დაიბეჭდება წიგნი და კალენდარი, საგულისხმოა, რომ წიგნი დაიბეჭდება ასევე ბრაილის შრიფტით.
სხვათა შორის, კონკურსის ფინალური ეტაპი გულისხმობს 5 დღიან მასტერკლასს, რომელსაც გაუძღვებიან სპეციალისტები და მონაწილეებს გაუზიარებენ პრაქტიკასა და გამოცდილებას.
ორივე კონკურსის მიზანია აღმოაჩინოს ახალგაზრდა ნიჭიერი პროზაიკოსები და მხატვრები.
კონკურსში მონაწილეობის მსურველები დაგვიკავშირდნენ შემდეგ ნომრებზე:
599 726 731; 558 153 636
