ბავშვთა და ახალგაზრდობის ეროვნული ცენტრის მიერ ორგანიზებული პროექტის, „სპორტი ბარიერების გარეშე“, ფარგლებში შეჯიბრი ამჯერად ვაჟებს შორის ფეხბურთში გაიმართა და ამ შეჯიბრით ეს პროექტი ლანჩხუთში დასრულდა კიდეც. დაძაბული საფეხბურთო მატჩების შედეგად ადგილები ასე გადანაწილდა: პირველ ადგილზე გავიდა პირველი, ჩოჩხათისა და ლესის საჯარო სკოლების გაერთიანებული გუნდი “გურია”, ხაჯალია გავიდა მეორე ადგილზე, ხოლო წყალწმინდის საჯარო სკოლა მესამე ადგილს დასჯერდა. როგორც აღვნიშნეთ, ვაჟებს შორის ფეხბურთით დასრულდა პროექტი “სპორტი ბარიერების გარეშე”. რაიონულ ტურნირებში გამარჯვებულები რეგიონულ შეჯიბრებებში მიიღებენ მონაწილეობას, რომელიც რამდენიმე დღეში დაიწყება. შეგახსენებთ, რომ აღნიშნული პროექტი ფეხბურთით დასრულდება. შეგახსენებთ, რომ პროექტი მიზნად ისახავს მოზარდებში მასობრივი სპორტის პოპულარიზაციას, თავისუფალი დროის ნაყოფიერად გამოყენებას, სპორტული აქტივობების საშუალებით ხელი შეუწყოს ახალგაზრდებს და ახალგაზრდულ ცენტრებს ქვეყნის სხვადასხვა რეგიონიდან, მოახდინონ ჯანსაღი ცხოვრების და აქტიური მოქალაქეობის პოპულარიზაცია საკუთარ თემებში. ლანჩხუთში პროექტი მუნიციპალიტეტის მერიის განათლების, კულტურის, სპორტისა და ახალგაზრდულ საქმეთა სამსახურის მხარდაჭერით ტარდება.
