ქვემო აკეთის საჯარო სკოლას ამავე სოფლის მკვიდრის, საქართველოს ტერიტორიული მთლიანობისთვის დაღუპული, გია ტრაპაიძის სახელი ეწოდა.
სკოლის აღსაზრდელებმა პედაგოგებთან ერთად ღონისძიება მოაწყვეს, რომელიც გია ტრაპაიძის ხსოვნას მიეძღვნა.
_ მადლობა ასეთი ღონისძიებისთვის, მადლობა რომ არ ივიწყებთ გმირებს და მისი სახელის უკვდავსაყოფად ყველაფერს აკეთებთ. მათი გმირობის ისტორიას, სამშობლოსათვის თავდადებას დავიწყება არ უწერია. ამ სკოლას არაერთი ნიჭიერი და წარმატებული მოსწავლე ჰყავს, რაც ძალიან მახარებს _ განაცხადა სიტყვით გამოსვლისას მუნიციპალიტეტის მერმა, ალექსანდრე სარიშვილმა.
დამსწრე საზოგადოება აკეთის მაცხოვრის სახელობის ტაძრის წინამძღვარმა მამა მიქაელმა დალოცა.
ღონისძიებას საკრებულოს თავმჯდომარე, ბესიკ ტაბიძე და საკრებულოს დეპუტატი გიორგი მორჩილაძე ესწრებოდნენ.
