დღეს, ლანჩხუთის მუნიციპალიტეტის საკრებულოს წევრი, ჩიბათის მაჟორიტარი გიორგი ჩახვაძე ამომრჩეველს შეხვდა და მის მიერ 2018 წელს გაწეული მუშაობის შესახებ ანგარიში წარუდგინა.
,,ანგარიშგება მნიშვნელოვანი და საპასუხისმგებლო პროცესია, რომელიც არა მარტო გაწეული საქმიანობის შესახებ სტატისტიკურ მონაცემებს შეიცავს, არამედ საშუალებას გვაძლევს გავაანალიზოთ, თუ რისი გაკეთება შევძელით და რა შეიძლება დავგეგმოთ სამომავლოდ“, აღნიშნა ჩახვაძემ.
გიორგი ჩახვაძემ ისაუბრა მისი როგორც საკრებულოს წევრის, ეკონომიკის, ქონების მართვისა და ბუნებრვი რესურსების საკითხთა კომისიის თავმჯდომარის მიერ გაწეული მუშაობის შესახებ. გიორგი ჩახვაძემ მოსახლეობას ის პროექტები გააცნო, რომელიც 2018 წელს ჩიბათის ადმინისტრაციულ ერთეულში განხორციელდა: ასფალტის საფარი დაიგო ,,დაფნარასა“ და ,,მერის“ უბნებში, კაპიტალური რემონტი ჩაუტარდა საბავშვო ბაღის შენობას, ნაპირსამაგრი გაბიონი მოეწყო წმ. სვიმონ კანანელის სახელობის ტაძრის მიმდებარედ და არაერთ მოსახლის საცხოვრებელთან, მოხდა სტიქიით დაზარალებული მოსახლეობის სახლის გადასახური მასალით უზრუნველყოფა.
შეხვედრაზე პრობლემური საკითხები დაისვა: გარე განათების მოწყობა, სოფელ ჭალასა და ქვემო ჩიბათში პრობლემურია წყლის სათავე ნაგებობისა და შიდა ქსელის რეაბილიტაცის, შიდა გზების მოწესრიგებისა და სანიაღვრე არხების გაწმენდის საკითხი.
ჩახვაძემ მადლობა გადაუხადა მოსახლეობას და აღნიშა, რომ აქტიურად გააგრძლებს მუშაობას მისი სადეპუტატო უფლებამოსილების პერიოდში მუნიციპალიტეტის მოსახლეობის პრობლემური საკითხების გადასაჭრელად.
#გურია2019 #ლანჩხუთი2019 #ჩიბათი
