დღეს კულტურის ცენტრში მარიკა ორაგველიძის სახელობის სამუსიკო სკოლის დაარსებიდან 60 წლის იუბილე აღინიშნა. აღსანიშნავია, რომ სამუსიკო სკოლაში მოსწავლეები სწავლობენ არამარტო ფორტეპიანოზე დაკვრას, არამედ ცოდნას იღრმავებენ სხვადასხვა მუსიკალურ ჟანრში. ხშირად ტარდება დახურული და ღია კონცერტები, თემატური საღამოები. ამჟამად სკოლაში 160 ბავშვი სწავლობს. დღევანდელი საღამო ერთგვარი შეჯამება იყო იმ მოღვაწეობისა, რასაც ისინი ამ წლების განმავლობაში რუდუნებით, დიდი შრომის ფასად აკეთებენ. კონცერტზე იმ მოსწვალეებთან ერთად, რომლებიც დღეს სამუსიკო სკოლაში სწავლობენ, ერთმანეთს ენაცვლებოდნენ კურსდამთავრებულები, რომლებიც წარმატებით მოღვაწეობენ სხვადასხვა სფეროში. ღონისძიებას „სენაკი არტ ფესტივალის“ დამფუძნებელი და ჟიურის თავმჯდომარე, საერთაშორისო კონკურსების ლაურეატი, ცნობილი პიანისტი ვალერიან შიუკაშვილი ესწრებოდა. სამუსიკო სკოლის საიუბილეო კონცერტს მუნიციპალიტეტის მერი ალექსანდრე სარიშვილი, საკრებულოს თავმჯდომარე ბესიკ ტაბიძე და ადგილობრივი თვიმმართველობის წარმომადგენლები ესწრებოდნენ.
