მუნიციპალიტეტის მერი და საკრებულოს თავმჯდომარე სოფელ ჩიბათში იმყოფებოდნენ. მათ ადგილზე დაათვალიერეს ზაზა სულაბერიძის შემოქმედება. ზაზა სოფელ ჩიბათში დაიბადა და გაიზარდა. ძალიან უყვარდა ხატვა და ამიტომ არაერთი საინტერესო ნამუშევარი აქვს შექმნილი. -ბევრს მუშაობდა, ძალიან საინტერესო და მრავალმხრივია მისი შემოქმედება. აქ ყველაფერი მისი ხელითაა შექმნილი… ვმეგობრობდით და გული მწყდება, რომ ასეთი ნიჭიერი, ასე ადრე წავიდა ამ ქვეყნიდან.- აცხადებს მხატვარი თამაზ ჩხაიძე. ზაზა საქართველოს ტერიტორიული მთლიანობის დასაცავად აფხაზეთში იბრძოდა, დაჭრილი ჩამოიყვანეს… ისე რომ ოჯახის წევრებისთვის არც კი გაუმხელია, ავღანეთშიც წავიდა საბრძოლველად… – ჩემთვის არც კი უთქვამს, მითხრა, პოლონეთში მივდივარო. მშვიდად ვიყავი, ის კი თურმე ბრძოლის ველზე ყოფილა – ამბობს დედა. ზაზა მძიმე ავადმყოფობის შედეგად გარდაიცვალა და იქვე, საკუთარ ეზოშია დაკრძალული. ოჯახის წევრები სათუთად ინახავენ ნივთებს, ნახატებს, მის მიერ დამზადებულ ხალხურ საკრავებს, რომელიც შთამომავლობას გადაეცემა.
