ქალაქ ლანჩხუთის მოსახლეობამ ანგარიში მოისმინა

როგორც საკრებულოს წევრებმა აღნიშნეს, შეხვედრა ჰქონდათ ამომრჩეველთან, მოთხოვნები ძირითადად შეეხებოდა სოციალურ დახმარებებს და ინფრასტრუქტურულ საკითხებს.

საანგარიშო პერიოდში დახმარება გაეწია არაერთ მოქალაქეს სამკურნალო და საოპერაციო, მედიკამენტების პროგრამის ფარგლებში, მრავალშვილიანი ოჯახებს, იძულებით გადაადგილებულ პირებს და ბიკარბონატული ჰემოდიალეზითთირკმლის ქრონიკულ უკმარისობით დაავადებულთა ბენეფიციარებს.

2018 წლის 30 ნოემბრის სტიქიის შედეგად დაზარალებულ 18 ოჯახს გადაეცა სახლის სახურავის საჭირო სამშენებლო

მასალა.  სანიაღვრე არხები მოეწყო ურუშაძის, მშვიდობის, ცაბაძის, ყაზბეგისა და ბაგრატიონის ქუჩებზე, მოიხრეშა ლაშისღელის სასაფლაოსთან მისასვლელი გზა, გადაიხურა მრავალბინიანი სახლები. მდინარე ორაგვისღელეზე მოეწყო ყორე-ქვის გაბიონი, კვირკველიას ქუჩაზე გაიწმინდა ღელის კალაპოტ, მდინარე ლაშისღელეზე მოეწყო ნაპირსამაგრები, აღდგენა-რეაბილიტაცია ჩაუტარდა ქალაქის ადმინისტრაციულ ერთეულში შიდა გზებს.

საკრებულოს წევრებმა ისაუბრეს ასევე 2019 წელს ქალაქის ადმინისტრაციულ ერთეულში დაგეგმილ და მიმდინარე ინფრასტრუქტურულ პროექტებზე.

გაერთიანებული წყალმომარაგების კომპანიის მიერ მიმდინარეობს ქალაქის ტექნიკური წყლით მომარაგება, მშვიდობის, ურუშაძის, ბაგრატიონისა და ბარათაშვილის ქუჩის შესახვევებთან, თავისუფლების ქუჩის პირველ შესახვევში, წმ. ნინოსა ბაგრატიონის ქუჩებზე სანიაღვრე არხების მოწყობა;  თავისუფლების ქუჩაზე იგეგმება ი.დუნდუას სახელობის ხელოვნურსაფარიანი მოედნის რეაბილიტაცია, თავისუფლების ქუჩაზე ასფალტის საფარის წერტილოვანი შეკეთება, იგეგმება მდინარე ლაშისღელის კალაპოტის გაწმენდა.

შეხვედრაზე დაისვა პრობლემები: კუპრეიშვილის ქუჩაზე მრავალბინიანი სახლის სარდაფის მოწესრიგების, ლაშისღელის საყანე ფართობებში არხების გაწმენდისა და მისასვლელი გზის მოწესრიგების საკითხები.

საკრებულოს წევრებმა მადლობა გადაუხადეს მოსახლეობას და აღნიშნეს, რომ აქტიურად გააგრძელებენ მუშაობას საკრებულოში და ამომრჩეველთან.