დღეს ლანჩხუთის მერთან, ალექსანდრე სარიშვილთან სტუმრად იმყოფებოდა დანიელი ინვესტორი, კომპანია „sustaine energy a/s“-ის დირექტორი, ჯესპერ იორგანსონი. დანიელ ინვესტორს ჩვენს მუნიციპალიტეტში იჯარით აღებული აქვს 321 ჰა მიწის ნაკვეთი, სადაც 40 ჰა-ზე გაშენებულია იტალიური ალვის ხე. აღნიშნული ხის ჯიში გადამუშავების შემდეგ ევროპაში გადაიგზავნება, სადაც მას ძირითადად სათბობად იყენებენ, რადგან ეკოლოგიურად სუფთაა და იაფიც ჯდება. ამ ეტაპზე კომპანიის დირექტორს სურვილი აქვს გააფართოოს მეურნეობა და იჯარით დამატებით 250 ჰა მიწის ნაკვეთი აიღოს, რის თაობაზეც მიმართა მუნიციპალიტეტს. ჯესპერ იორგანსონმა და ალექსანდრე სარიშვილმა სამომავლო პერსპექტივებზეც ისაუბრეს. ინვესტორის თქმით, აღნიშნულ კომპანიაში ამჟამად 35 ლანჩხუთელია დასაქმებული, თუმცა გაფართოების შემთხვევაში კიდევ მეტი ადგილობრივი კადრის დასაქმებაა გათვალისწინებული.
