ლანჩხუთის მუნიციპალიტეტის მერმა ალექსანდრე სარიშვილმა მოადგილეები წარადგინა. ლანჩხუთის მერს ორი მოადგილე ჰყავს. პირველი მოადგილის პოზიციაზე ბიძინა იმნაიშვილი დაინიშნა.
ბიძინა იმნაიშვილი პროფესიით ინჟინერ-მშენებელია. იყო ურეკის მაჟორიტარი დეპუტატი ოზურგეთის საკრებულოში. ასევე მერის წარმომადგენელი დაბა ურეკში.
მერის მოადგილის თანამდებობაზე ასევე დაინიშნა ეკა გუჯაბიძე. ის პროფესიით იურისტია. გურიის სამხარეო ადმინისტრაციაში ადგილობრივი თვითმმართველობის ორგანოებთან ურთიერთობის სამსახურში მთავარ სპეციალისტად მუშაობდა.
ეკა გუჯაბიძე 2018 წლის მაისიდან ლანჩხუთის მუნიციპალიტეტის მერის თანაშემწე გახლდათ.
– „დარწმუნებული ვარ ჩვენ ერთიანი გუნდით, თქვენთან ერთად, ბევრ სასიკეთო საქმეს გავაკეთებთ. ეკას თქვენს წინაშე წარდგენა არ სჭირდება. ბატონი ბიძინა კი კარგად იცნობს ლანჩხუთს და იმ გამოწვევებს, რაც დღეს ჩვენს წინაშეა“-განაცხადა მერმა.
