,,სოფლის მხარდაჭერის პროგრამის“ ფარგლებში, ეკონომიის შედეგად მიღებული თანხა აკეთის, ნიგვზიანის, ნინოშვილის, სუფსის, ღრმაღელის, ჩოჩხათისა და ჯურუყვეთის ადმინისტრაციულ ერთეულებში სხვადასხვა ინფრასტრუქტურული სამუშაოების ჩატარებას მოხმარდება.
შემსრულებელი შეირჩევა ბაზრის კვლევის შედეგების მიხედვით.
დაინტერესებულ სამშენებლო ორგანიზაციებს, ფიზიკურ და იურიდიულ პირებს შეუძლიათ შესაბამისი განცხადებით მიმართონ ლანჩხუთის მუნიციპალიტეტის მერიას.
განცხადებას უნდა ერთვოდეს:
- პირადობის დამადასტურებელი მოწმობის ასლი.
- ელექტრონული ფოსტა.
- ტელეფონის ნომერი.
ლანჩხუთის მუნიციპალიტეტში განცხადებების მიღების ვადაა მიმდინარე წლის 26 აგვისტოდან 29 აგვისტოს 18:00 სთ.მდე.
