დღეს საჯარო სკოლებში ახალი სასწავლო წელი დაიწყო.
ლანჩხუთის მუნიციპალიტეტის საკრებულოს თავმჯდომარე ბესიკ ტაბიძემ ახალი სასწავლო წლის დაწყება ნიგვზიანის საჯარო სკოლის მოსწავლეებს და მასწავლებლებს მიულოცა.
,,განსაკუთრებით გილოცავთ პირველკლასელებს, რომლებმაც პირველად შეაღეთ სკოლის კარები. მინდა წარმატებები გისურვოთ, ქვეყნის მომავალი სწორედ პატარების განათლებაზეა დამოკიდებული”, აღნიშნა ბესიკ ტაბიძემ.
ყველა პირველკლასელს გადაეცა კომპიუტერები, სიგელები და მედლები გადასცეს წარმატებულ მოსწავლეებს.
აღსანიშნავია, რომ ნიგვზიანის საჯარო სკოლა გარემონტდა, გაკეთდა ახალი სპორტული დარბაზი, სკოლა ადაპტირებულია შეზღუდული შესაძლებლობის მქონე პირებისთვის – მოწყობილია მათ საჭიროებაზე მორგებული სასწავლო ოთახი.
,,ბავშვებს ყველანაირი პირობა აქვთ მაღალი ხარისხის განათლების მისაღებად. ნიგვზიანის საჯარო სკოლა ოქროს მედალზე დაამთავრა ერთმა მოსწავლემ ,ლაურა შაინიძემ, ექვსი მოსწავლე მოეწყო უმაღლეს , ხოლო ორი- პროფესიულ სასწავლებელში”, აღნიშნა საჯარო სკოლის დირექტორმა ამირან დობორჯგინიძემ.
