სტიქიის სალიკვიდაციო ღონისძიებების განხორციელებისთვის 500000 ლარი დაიხარჯება

დღეს, ლანჩხუთის მუნიციპალიტეტის საკრებულოს სხდომა გაიმართა, რომელსაც ბესიკ ტაბიძე უძღვებოდა.

საკრებულომ  2019 წლის ბიუჯეტში შესატან ცვლილებებზე იმსჯელა და წარმოდგენილ ცვლილებებს მხარი დაუჭირა.

როგორც აღინიშნა, სტიქიის შედეგების სალიკვიდაციო ღონისძიებების განხორციელებისთვის ლანჩხუთის მუნიციპალიტეტში  500000 ლარი მუნიციპალიტეტის ტერიტორიულ ერთეულებში ნაპირსამაგრის მოწყობის სამუშაოებზე  და  ხიდების მოწყობაზე დაიხარჯება.

1000 ლარით შემცირდაბიკარბონატული ჰემოდიალეზით თირკმლის ქრონიკული უკმარისობის დაავადებულთა სამედიცინო დაწესებულებაში ტრანსპორტირების პროგრამა და გაიზარდა ერთჯერადი სოციალური დახმარების პროგრამა  1000 ლარით. სამკურნალო და საოპერაციო ხარჯების დახმარების პროგრამა იზრდება 10000 ლარით.

ვრცლად განხორციელებული ცვლილებების შესახებ იხილეთ სხდომის ვიდეო ჩანაწერი:

https://bit.ly/34gFDnJ

Share:

კომენტარის დატოვება