დღეს ლანჩხუთის მუნიციპალიტეტის ბიუროს სდხომა გაიმართა, რომელსაც ბესიკ ტაბიძე უძღვებოდა.
ბიურომ ლანჩხუთის მუნიციპალიტეტის 2020 წლის პრიორიტეტების დოკუმენტი და ბიუჯეტის პროექტი განიხილა.
როგორც ბიუროს სხდომაზე მუნიციპალიტეტის მერმა ალექსანდრე სარიშივილმა აღნიშნა, მომავალი წლის მთავარი საფინანსო დოკუმენტი, პროექტის მიხედვით, 10 030 600 ლარით განისაზღვრა. მუნიციპალიტეტის პრიორიტეტული მიმართულებებია:
- ინფრასტრუქტურის განვითარება;
- დასუფთავება და გარემოს დაცვა:
- განათლება;
- კულტურა, ახალგაზრდობა და სპორტი;
- მოსახლეობის ჯანმრთელობის დაცვა და სოციალური უზრუნველყოფა;
- მმართველობა და საერთო დანიშნულების ხარჯები.
როგორც აღინიშნა, 20 ნოემბრიდან საკრებულოს კომისიები და ფრაქციები ლანჩხუთის მუნიციპალიტეტის მთავარი საფინანსო დოკუმენტის განხილვას დაიწყებს.
საკრებულო ბიუჯეტს განიხილავს მერიის მიერ დაფუძნებული კერძო სამართლის იურიდიულ პირებისა და მერიის სამსახურების ხელმძღვანელებთან ერთადაც.
კანონმდებლობის შესაბამისად, საკრებულო მერიას ბიუჯეტის პროექტს რეკომენდაციებით, წინადადებებითა და შენიშვნებით არაუგვიანეს 25 ნოემბერს დაუბრუნებს.
ბიურომ ცნობად მიიღო ლანჩხუთის მუნიციპალიტეტის 2019 წლის ოქტომბრის თვის და მუნიციპალიტეტის 2019 წლის 9 თვის ბიუჯეტის შესრულების ანგარიში.
ბიურომ ასევე მუნიციპალიტეტის უძრავ და მოძრავ ქონებების განკარგვის საკითხებზე იმსჯელა.
წარმოდგენილი საკითხების განხილვა დარგობრივ კომისიებში გაგრძელდება. საკრებულოს მორიგი სხდომის თარიღად 29 ნოემბერი, 11.00 საათი განისაზღვრა.
