„16 აქტიური დღე ქალთა მიმართ ძალადობის წინააღმდეგ“ კვირეულთან დაკავშირებით ფონდი „სოხუმის“ წარმომადგენელმა ლანჩხუთის მუნიციპალიტეტში ნონა მურვანიძემ შეხვედრა გამართა.
-ჩვენ, ტრადიციულად, ჩვენს ბენეფიციარებთან, პარტნიორებთან ერთად ვუერთდებით კომპანიის პათოსს, რადგან მიგვაჩნია, რომ ძალიან მნიშვნელოვანია ქალთა უფლებების დაცვა.- განაცხადა ნონა მურვანიძემ.
შეხვედრის მიზანი ქალბატონებთან ფსიქოლოგიური და იურიდიული კონსულტაციები, ცნობიერების ამაღლება, ახალგაზრდებთან, პედაგოგებთან და სხვადასხვა სფეროს წარმომადგენლებთან კონსულტაციაა.
შეხვედრას მუნიციპალიტეტის მერის მოადგილე ეკატერინე გუჯაბიძე, ქალბატონები, მათ შორის, ძალადობის მსხვერპლი ქალები, ადგილობრივი თვითმმართველობისა და არასამთავრობო ორგანიზაციების წარმომადგენლები ესწრებოდნენ.
