დღეს, ლანჩხუთის მუნიციპალიტეტის საკრებულოს სხდომა გაიმართა, რომელსაც ბესიკ ტაბიძე უძღვებოდა. (დღის წესრიგი )
საკრებულომ ადმინისტრაციული წარმოება დაიწყო დადგენილების მისაღებად „ლანჩხუთის მუნიციპალიტეტის საკრებულოს 2020 წლის ბიუჯეტის დამტკიცების შესახებ“ .
ლანჩხუთის მუნიციპალიტეტის საკრებულომ 2020 წლის ბიუჯეტის პროექტი, არგუმენტირებული შენიშვნებითა და რეკომენდაციებით, აღმასრულებელ ორგანოს უკვე დაუბრუნა.
ბიუჯეტის პროექტის განხილვის პროცესში გამოკვეთილი წინადადებები და შენიშვნები საკრებულოს კომისიებისა და ფრაქციების დასკვნებში აისსახა.
საკითხის მომხსენებელმა, მუნიციპალიტეტის მერმა ალექსანდრე სარიშვილმა განაცხადა, საკრებულოს შენიშვნების და რეკომენდაციების ასახვა მუნიციპალიტეტის 2020 წლის მთავარ საფინანსო დოკუმენტში მაქსიმალურად მოხდება.
მისი განცხადებით, გათვალისწინებული იქნება ა (ა)იპ-ების დაფინანსების გაზრდა სხვადასხვა ღონისძიებების სრულფასოვნად განხორციელების მიზნით, გენდერული საბჭოს ბიუჯეტის 5 ათასი ლარით განისაზღვრის საკითხი. როგორც მერმა აღნიშნა, შეუძლებელია ამ ეტაპზე მაწანწალა ძაღლების თავშესაფრის მშენებლობა, თუმცა უპატრონო ცხოველების მოვლითი ღონისძიებების მიმართულებით გაიზრდება დაფინანსება .
კანონმდებლობის შესაბამისად, მუნიციპალიტეტის მერია, 2020 წლის ბიუჯეტის კორექტირებულ ვარიანტს საკრებულოს 10 დეკემბრამდე წარუდგენს.
საკრებულომ ასევე მოძრავი და უძრავი ქონებების მერისთვის პირდაპირი განკარგვის წესით, სარგებლობის უფლების გადაცემაზე იმსჯელა.
ასევე ადმინისტრაციული წარმოება დაიწო 2019 წლის ბიუჯეტში ცვლილებების შეტანის მიზნით (იხ. ცვლილებები: https://bit.ly/2XZ1TRc)
სხდომის ტრანსლაციის ჩანაწერი: https://bit.ly/2OxuXfi
