ლანჩხუთის მუნიციპალიტეტის საკრებულოს ფარქცია ,,ქართული ოცნება-დემოკრატიული საქართველოს“ სხდომა გაიმართა.
ბესიკ კუპრაძემ ფრაქციის წევრებთან და მოწვეულ სტუმრებთან ერთად მიმდინარე საკითხები განიხილა.
ფრაქციამ ბიუჯეტიდან სოციალური დახმარების გაცემისა და მიღების წესსა და სოციალური პროგრამების შესახებ იმსჯელა.
როგორც ითქვა, 2020 წელს ბიუჯეტიდან 17 სოც. პროგრამა დაფინანსდება. პროგრამებში შესულია ცვლილება, გაზრდილია, როგორც ბენეფიციარების ოდენობა ზოგიერთ პროგრამაში, ასევე დაფინანსებაც.
სხდომაზე ლანჩხუთის მუნიციპალიტეტის 2020 წლის ბიუჯეტით განსაზღვრული – განათლების ხელშეწყობის, კულტურის ღონისძიებების, სპორტული ღონისძიებების, ახალგაზრდობის მხარდაჭერის პროგრამების დამტკიცების შესახებ და დაფინანსების წესზე იმსჯელეს.
მიმდინარე წელს 4 ძირითადი პროგრამა და 15 ქვეპროგრამა განხორციელდება. ჯამში 62 000 ლარი დაიხარჯება.
